|
||||
(上海話版)文/錢乃榮鋥鋥亮個月亮,啥辰光會得有?
我一面老酒嗒嗒,一面問聲天老爺。
啥人曉得天浪向個花花世界,
今朝三更半夜是兩零几几年?
我真想乘神舟10號迴轉去望望老天爺,
只不過剩怕天高頭實在冷煞快,
一家頭垃拉城堡皇宮裏向豁一轉有眼嚇咾咾。
哦!阿拉還是蓬拆拆跳起來!
連我個影子也辣搖發搖發,像煞天浪向還勿及地浪世界好白相。
辣金茂大廈頂浪兜來兜去,
偷仔石庫門裏個阿狗阿貓,
一看哪能大家儕睏勿着?
有啥鬱悶殟塞頭!
儂只月亮啥講究介拎勿清總歸要辣人家分別個辰光瞎圓瞎亮!
人生常常要開心得雙腳跳調轉頭來哭出烏拉,一歇歇軋朋友一歇歇離來遠七長八;
月亮也來軋鬧猛一歇暗黜黜一歇亮堂堂,剛剛圓了圓隔手又齾【ngak】脫一塊介勿識相。
搿樁事體真真叫天生嘸沒辦法!
但願個個人亨八冷打儕長生勿老,
各到各處一道望到月亮浪個高維修美眉交關嗲!