|
||||
文/平民上海人拿一次性解決事體,叫做“一躉當”。搿種說法可能來自舊上海個“躉船”。鴉片戰爭後,外國船隻紛紛駛進上海港,搿些船被叫做“躉船”,叫“躉船”,可能跟分量有關,船講噸位,一船貨物,根據噸位,多少貨基本就能估出個大概,外國人個噸,告中國人個躉,上海閒話當中,讀音一樣,而躉,中國也是一種計量稱謂,如上海人經常說“躉躉分量”。中藥店稱藥個、銀樓裏稱金子個小秤,行內人就叫做“躉子”。
“躉船”來個貨,可以是分開銷售,也可以一船貨撥一個大買主,“一道去”,也就是“一躉當”個意思了。
“一躉當”中既然有個“當”字,也許跟典當業有關,過去典當行是很多生意人融資個主要渠道,典當可以是房產,金銀,古董,還是船浪個貨物,把整船個貨押出去,取得現金,馬上再進下一批貨。這也可能是“一躉當”說法個來源。